Tha 30 bliadhna ga chomharrachadh bhon a nochd an leabhar ainmeil, The End of History and the Last Man le Francis Fukuyama. Tha sinn a' cluinntinn dè bha cho sonraichte mun leabhar seo. Bheil e fhathast freagarrach san là an-diugh?

Tha sinn a' cluinntinn mu chuid de na tha dol air Seachdain Fearann Coimhearsnachd na h-Alba.

Chuir Niall Mac an Tuairneir a bheatha obrach seachad mar mhaighstir-sgoile anns na Hearadh agus Uibhist a Tuath aig toiseach an fhicheadamh linn. Tha a mhac, Murchadh, a tha an-diugh 90 bliadhna a dh'aois air leabhar a sgrìobhadh mu beatha athar - Fading Footsteps: The Life and Times of Murdo Turner. Tha Seonag NicFhionghain às na Hearadh, a bha ri obair foghlaim i fhèin, air a bhith ga leughadh agus tha i ann an còmhradh ri Cathy mu dheidhinn.

Thèid an Treas Rìgh Teàrlach a chrùnadh an-ath-bhliadhna. Ach cò bh' anns a' Chiad agus an Dara Rìgh Teàrlach? Tha an Dr Dòmhnall Uilleam Stiùbhart a' tional cuid de na sgeulachdan as inntinniche mun deidhinn! Show less