Mark Wringe a’ cur na prosbaig air cuid de na nobhailean as cliùitiche a chaidh a sgrìobhadh le ùghdaran tùsanach.
Tha leughadair còmhla ri Mark airson beachdachadh air gach nobhail agus ionnsaichear beagan mu eachdraidh na dùthcha anns a bheil an leabhar suidhichte bho eòlaiche. Cluinnear earrannan den leabhar ‘s iad air an lìbhrigeadh dhuinn le cleasaiche a bhuineas don chinneadh a th’ air a riochdachadh anns gach leabhar.
An seo tha Mark agus Alasdair MacIlleBhàin a’ toirt sùil air an nobhail iongantach Carpentaria le Alexis Wright, sgrìobhaiche cliùiteach a bhuineas don t-sluagh Waanyi ann an ceann a tuath Tìr na Banrigh san ear thuath de dh’Astràilia.
Tha beagan mu eachdraidh na dùthcha air a toirt thugainn le Ciorstaidh NicIllEathain agus tha earrannan às an nobhail air an leughadh dhuinn leis an sgrìobhaiche fhèin. Show less