Iwan Griffiths a'i westeion sy'n edrych yn ôl ar ddigwyddiadau’r dydd o faes Eisteddfod Ceredigion 2022, gan gynnwys y sgwrs gyntaf gyda'r prif enillwyr llenyddol a’r beirniaid; uchafbwyntiau cystadlu’r dydd; y newyddion o’r maes a thrafodaethau am gerdd dant, canu gwerin, llefaru a llawer mwy.

Y Fedal Ryddiaith ydy prif seremoni lenyddol y dydd, ac mae Iwan yn cael cwmni y beirniaid Meg Elis, Ioan Kidd ac Eurig Salesbury.

Rhiannon Lewis sydd yng ngofal uchafbwyntiau cerddorol y dydd, tra bod Nia Clwyd yng ngofal y canu gwerin a cherdd dant.

Mae Meic Birtwistle ac Ifor ap Gwilym yn sgwrsio am ddigwyddiad yn dathlu bywyd a gwaith Lowri Gwilym.

A Rhiannon Evans, Meinir Mathias a Wyn Melville Jones sy'n sgwrsio am gysylltiad ardal Tregaron gyda'r byd celf. Show less