Tha còig bliadhna fichead air a’ mhìos seo bho chaidh Hong Kong, a bha na cholonaidh Breatannach airson còrr is ceud bliadhna, a thoirt air ais le Breatainn gu bhith fo ùghdarras Shìona. Dè mar a tha Hong Kong air atharrachadh bho 1997? Gheibh sinn beachd Mhìcheal Bauer, aig a bheil buinteanas teaghlaich ri Hong Kong, agus Will Clem a bha ag obair san dùthaich airson grunnan bhliadhnaichean gus an do thill e a dh'Alba an-uiridh.

Bheir Calum Iain Bartlett dhuinn eisimpleir eile de dh'innleadairean aig an robh buinteanas do dh'Alba, 's e a' bruidhinn air Frederick Creed agus Dòmhnall Moireach a chruthaich le chèile an Teleprinter.

Cluinnidh sinn bho thriùir a tha a' cleachdadh na meadhanan-sòisealta airson a bhith a' teagasg agus ag ionnsachadh.

Tha Obar Dheathain a' comharrachadh 400 bliadhna bho thàinig Eideard Raban a dh’fhuireach dhan bhaile le clò-bhualadair. Bheir Pàdraig MacAmhlaigh dhuinn eachdaidh beatha fear a bha cudromach ann an eachdraidh litreachais na h-Alba, an dìleab a dh’fhàg e, mar a tha tachartasan a’ dol air a' bhliadhna seo agus mar a tha oidhirp ga dhèanamh a chàirdean a lorg. Show less