B' e sàr chraoladair, sgoilear eachdraidh agus canàin, bàrd agus, nas cudromaiche buileach, Uibhisteach a bh' ann a Fred MacAmhlaigh, Freadaidh Dhòmhnaill Bhàin a' Mhullaich à Solas.
Anns a' bhliadhna 2000 ghabh Fred 's am fear-naidheachd Dòmhnall Moireasdan sgrìob a dh'Uibhist a Tuath 's rinn iad sreath phrògraman a' còmhradh mu na bh' aig cridhe beatha Fred agus a' toirt thugainn a bhàrdachd, a tha a' toirt sealladh air a bheatha fhèin agus air a bheachd air cor na Gàidhealtachd agus cor an t-saoghail.
A seo 's ann air obair aig a' BhBC bho chaidh e os cionn Roinn na Gàidhlig ann an 1964 a tha an còmhradh. Show less