Ged a chuir Covid-19 an saoghal aig a h-uile duin' againn bun-os-cionn dhar fàgail an-fhoiseil 's mì shuaimhneach, tha sinn air feuchainn ri sinn fhìn a chumail air dòigh le bhith coimhead air adhart ri nuair a bhios e seachad. Ach de a' bhuaidh a bh' aig a' ghlasadh a thàinig oirnn air na mairbh? 'S e dealbh-chluich mu dhòchas, mu chall 's mu ghaol a tha seo, stèidhicht' sna h-Eileanan an Iar le ceòl a tha a' toirt Uibhist - agus na mairbh! - beò dhuinn.

Màiri Iain Mhòir - Màiri Nic’IlleMhoire
Fionnlagh - Calum Dòmhnallach

Stiùiriche - Muireann Kelly
Dealbhaiche Fuaim agus Deasachadh - Matt Padden
Ceòl - Pàdruig Moireasdan
Clàrsach - Malachy Arnold

Comhairlaichean dràma - Lynda Radley agus Iain Fionnlagh MacLeòid
Riochdaire sa stiùidio - Catrìona Mhoireach
Fuaim sa stiùidio - Sara Mattinson
Co-òrdanaiche a’ phròiseict - Rhona NicDhùghaill
Riochdaire - Annella Nicleòid
Coimiseanair - Calum McConnell

Tha Màrtainn Mac an t-Saoir air cliù agus iomadach duais a chosnadh thairis air na fichead bliadhna a tha e air a bhith sgrìobhadh ficsean agus bàrdachd. Tha e air naoi leabhraichean fhoillseachadh agus air ainm a dhèanamh dha fhèin mar sheanachaidh, gach cuid ann an Gìàidhlig agus am Beurla. 'S e saoghal annasach a' ghlasadh-sluaigh a ghluais e gu Rùintean Màiri Iain Mhòir, a' chiad dràma aige airson radio, a sgrìobhadh.

Chaidh ‘Rudeigin Ri Ràdh’ a choimiseanadh le Theatre Gu Leòr le taic bho Alba Chruthachail agus bho Bhòrd na Gàidhlig, ann an com-pàirteachas le BBC Radio nan Gàidheal. Bhuannaich e duais na h-Ealain agus a' Chultur aig Duaisean na Gàidhlig am-bliadhna. Show less