B' ann à Tobar Mhoire an Eilean Mhuile a bha Bobby Macleòid agus 's ann ann an taigh-òsta an teaghlaich a sin, am Mishnish, a chual' e ceòl a' mhaileòidian an toiseach. Bha e deich bliadhna a dh' aois, na phìobaire agus na dhannsair ach an dèidh am maileòidian a chluinntinn cheannaich e bucas agus thòisich e a' cluich aig dannsan. Chualas a chòmhlan an toiseach air a' BhBC ann an 1949 agus 's iomadh ceàrnaidh anns na chluich iad às dèidh sin. Bha meas mòr aig daoine air a cheòl, le blas làidir na pìobaireachd agus na Gàidhlig air a bha scaiteach math airson dannsa ris.
A seo tha Màrtainn Dòmhnallach a' toirt dhuinn dealbh air an duine le cuideachadh bhon bhana-sheinneadair Seònaid NicDhòmhnaill à Muile, am fear-ciùil Fergie Dòmhnallach agus am pìobaire Ailean Mac a’ Phearsain à Ath Tharracail, Uilleam MacFhionghain a bha a’ ruith bàr a’ Mhishnish airson 40 bliadhna, agus na seinneadairean Dòmhnall Macleòid à Ìle agus Mairead Nicleòid bho chòmhlan na h-Òganaich.
Chaochail Bobby Macleòid air 26mh den Fhaoilleach 1991. Show less