Glanadh an earraich - a bheil e anns an fhasan fhathast no a bheil ar dòigh beatha air atharrachadh cho mòr thairis nam bliadhnaichean ‘s gu bheil sin ris a-nis fad na h-ùine? Sin a’ cheist air am bi Ceitidh Anna NicChoinnich a’ feuchainn ri freagairt faighinn thairis air an dà sheachdain tha romhainn. Bidh i a' coinneachadh ri daoine ga bheil glainnead cudromach dha-rìribh - cuid a tha dìreach deigheil air glanadh agus cuid a tha a’ ruith nan gnìomhachasan aca fhèin agus aig a bheil feumalachdan eadar-dhealaichte a thaobh obair glanaidh. Gheibh sinn beachdan a thaobh dè na stuthan glanaidh as fheàrr a tha ag obair do dhaoine ‘s mar a bhios iad gan cleachdadh, ‘s ro dheireadh cùis tha tha i an dòchas gun ionnsaich i fhèin dòigh air mar a gheibh i cuidhteas na bhios i a’ càrnadh do stuth air nach eil feum sam bith aice, ach nach eil a chridhe aice a thilgeil. Abair dùbhlan!

Tha aon nì cinnteach, tha buaidh mhòr air a bhith aig na meadhanan sòisealta mar a tha sinn a’ glanadh. Tha leabhar ùr air glanadh le Sophie Hinchliffe à Essex air na mìltean mòra a reic, barrachd sa chiad seachdain na fiù ’s na leabhraichean aig Michelle Obama agus Alex Ferghasdan - agus còrr air dà mhìlean duine ga leantainn. Gu bho chionn glè ghoirid cha robh Ceitidh Anna i fhèin air guth no iomradh a chluinntinn mu deidhinn! Show less