Gyda diwedd y Rhyfel Byd Cyntaf o fewn cyrraedd, mae'r rhaglen hon yn canolbwyntio ar rai a brofodd y brwydro olaf, a'r colledion hwyr.

Cyn ymuno â'r fyddin, roedd David Samuel Roberts yn löwr a oedd yn byw mewn tyddyn yn Nantgaredig, rhwng Llandeilo a Chaerfyrddin.

Dim ond dyflwydd oed oedd ei ferch, Mary, pan aeth ei thad i Ffrainc yn hydref 1917, ac roedd ei mham, Margaret, yn disgwyl ei hail blentyn.

Ni chafodd David Samuel y cyfle i gwrdd â'i fab, William, a gafodd ei eni ar ôl iddo gyrraedd Ffrainc.

Yn bump ar hugain oed, cafodd David Samuel ei ladd ddeufis cyn y cadoediad.

Ganrif union i'r diwrnod, teithiodd ei nai, Geraint, i Ffrainc, i roi teyrnged i'r ewythr na chafodd gyfle i ddod i'w adnabod. Show less