Air an 12mh den Dàmhair 1918 thug Riaghaltas na Gearmailt freagairt dhan iarrtas aig Ceann-suidhe nan Stàitean Aonaichte, Woodrow Wilson a bh’ air moladh gum bu chòir dha na Gearmailtich an cùl a chur ris gach sgìre a bha fo smachd mus bruidhnear mu dheidhinn sìth. Bha Gearmailtich air gabhail ri na bha an Ceann-suidhe Wilson ag iarraidh ’s iad a’ moladh Coimisean Measgaichte a dheànadh rèiteach mun dòigh san gluaiseadh iad feachdan a-mach às a’ Bheilg ‘s an Fhraing. Cha robh sin math gu leòr dha na meadhanan ann an dùthchannan nan Co-chòmhraigeach ge-tà, a bha dhen bharail gum bu chòir dha na Gearmailtich gèilleadh gun chùmhnantan sam bith a bhith mun coinneamh. Cluinnidh sinn an tuilleadh bho Ghilleasbuig MacDhòmhnaill. Show less