Ann an Serbia, ràinig na feachdan Frangach is Serbianach an Abhainn Vardar air an 21mh den t-Sultain, is iad a’ dlùthachadh air baile Negotin. Thòisich Arm Bhulgàiria a’ cur às dha na stòir agus na h-uidheaman-cogaidh aca is iad ag ullachadh son tarraing air ais às an sgìre, mar a dh'innseas Gilleasbuig MacDhòmhnaill dhuinn.

Ann am Palestine, ràinig Arm Bhreatainn Shechem agus Samaria, a’ putadh Arm na Tuirce air ais anns an da àite, agus a’ cur mòran phriosanach agus ghunnaichean an greim.

Cuideachd rinn an Fhraing a-rithist adhartas deas air St Quentin, a’ gabhail sealbh air baile Benay. Bhuannaich Breatainn fearann an ear air Epehy air an aon latha, ged a chaidh aig na Gearmailtich air stad a chur orra airson greis an seo.

Ghabh na h-Ameirigeanaich sealbh air Very agus Epionville air an 26mh a’ glacadh 8,000 prìosanach. Thòisich Bàr Canal du Nord agus Cambrai air an 27mh, le na Canèidianaich aig cridhe nan ionnsaighean an sin agus rinn Bulgàiria tagradh oifigeil airson sìth ris na Co-chòmhragaich. Show less