Chaidh Taisbeanadh na h-Ìmpireachd 1938 fhosgladh le Rìgh Seòras VI air an 3mh là den Chèitein aig Pàirce Ibrox an Glaschu. Thairis air an t-samhradh thadhail còrr is 12 millean duine gu Pàirce Bellahouston far an robh an taisbeanadh stèidhte. Do mhuinntir Ghlaschu bha e mar saoghal eile; còrr is 100 togalach eireachdail air an dealbhachadh le sgioba de dh'ailtirean bho stiùir an ailtire Tòmas Tait à Pàislig.

Ri taobh Tùr na h-Ìmpireachd, a bha 300 troigh a dh'àirde, bha taighean-tughaidh a' Chlachain anns am faicear Gàidheil a' snìomh is ag obair ann an ceàrdaich. Chan eil ach aon thogalach bhon taisbeanadh ann an 1938 air fhàgail am Bellahouston an-diugh, sin Lùchairt nan Ealan a tha na ionad spòrs aig Comhairle Baile Ghlaschu. Tha Catriona Mhoireach a' faighinn a-mach mun taisbeanadh agus mu a dhìleab. Show less