Rugadh agus thogadh Iain Eàirdsidh Mac a' Mhaoilein ann a Gearraidh Bhailteas, ann an Uibhist a Deas. Fhuair e chuid fhoghlaim eadar Uibhist agus Colaiste Blairs ann an Obar Dheathain mas do thog e air gu Colaiste Rìoghail na Sagartachd ann an Valladolid sa Spàinn airson sia bliadhna. Thàinig e mach na shagart san Ògmhìos 1971 agus fad grunn bhliadhnaichean bha e na shagart-paraiste ann an Dùn Omhain, Eilean Bhòid, Dalabrog agus Èirisgeigh mus deach e a dh' obair mar oifigear leigheas-inntinn ann an Lodainn an Iar a' cuideachadh dhaoine le trioblaidean inntinn agus ag oideachadh agus a' toirt comhairle seachad dhaibhsan a tha faisg orra.
Tha e an-diugh air a dhreuchd làn-ùine a leigeil seachad agus tha e a' fuireach ann a Port na Bànrighinn a Deas le a' bhean Màiri agus an teaghlach aca.
Anns a' phrògram mu dheireadh san t-sreath seo de Sealladh Eile, gheibh sinn beachdan Iain Eàirdsidh a thaobh feallsanachd agus pearsantachd, cluinnidh sinn dè na buadhan as làidire th' aige agus an laigse a th' ann a mhiannaicheadh e atharrachadh. Show less