Airson 150 bliadhna bho chaidh Co-Chaidreachas Chanada a stèidheachadh a chomharrachadh tha sinn air a bhith anns an tasglann againn a seo aig Radio nan Gàidheal a thuilleadh air a bhith a' craoladh phrògraman ùra.
An-diugh sgeulachd triùir a dh'fhalbh a Chanada à Uibhist a Deas agus Beinn a' Bhadhla anns na 1920an: bha Mgr Ailean MacAonghais sa sgoil ann an Dalabrog ann a 1924 nuair a thàinig a bhràthair ann an car chun na sgoile a dh' innse dha gu robh an teaghlach a' falbh a Chanada agus bha iad air an SS Marloch goirid às dèidh sin; bha Ruaraidh Mac a' Mhaoilein toilichte gun dh'fhalbh an teaghlach aige fhèin leis cho math agus a shoirbhich leotha agus bha Ailean Mac an t-Saoir beagan nas sine agus cuimhne mhath aige air na bha romhpa nuair a ràinig iad. Show less