Ann a Leugh Mi bidh Anna NicLeòid a' còmhradh ri dithis neach mu na trì leabhraichean as fheàrr leotha agus a' faighinn a-mach barrachd mum beatha.

An t-seachdain seo gheibh sinn beachd bho Shona NicEanraig air dè a bha i a' leughadh na h-òige anns Na Hearadh agus mun leabhar a stiùir i gu mullach iomadach beinn ann an Alba.

Thogadh Iain Tormod MacDhòmhnaill anns Na Hearadh cuideachd ach bidh e ag innse cuideachd mun ùine a chuir e seachad air Kibbutz ann an Israel agus mun ùidh a th' aige ann an eachdraidh nan Gàidheal ann an Ameireaga.

A bharrachd air bruidhinn mu na leabhraichean as fheàrr leotha, tha gach duine air aon dhiubh sin a mholadh dha chèile airson a leughadh agus gheibh sinn a-mach anns a' phrògram co-dhiù an do chòrd na leabhraichean riutha no nach do chòrd! Show less