Blasad den chànan Eadailtis ann am prògram a tha air a dhealbh gu sònraichte airson clann aois 8 gu 11. Tha Eòghainn Dòmhnallach ag aithris, agus e a' coinneachadh ri daoine de dhiofar aoisean bhon choimhearsnachd Eadailteach ann an Alba.

Tha sinn a' cluinntinn mu bhiadh sònraichte na dùthcha, a' tadhal air taigh-bìdh Eadailteach ainmeil ann an Glaschu, agus air seann delicatessen ann an Dùn Èideann, far a bheil an luchd-obrach ag ìnnse carson a tha daoine air feadh an t-saoghail cho dèidheil air biadh traidiseanta na h-Eadailt.

Le measgachadh de ghuthan a' gabhail pàirt, tha cothrom ann Eadailtis a chluinntinn, agus diofar fhaclan agus abairtean shìmplidh ionnsachadh.

Anns an t-sreath seo tha cuireadh air a thoirt don òigridh eòlas a chur air Eadailtis, Mandarin, Gearmailtis, Fraingis, Gàidhlig agus Spàinntis tro bhith ag èisteachd ri fileantaich agus luchd-ionnsachaidh. Show less