Aig aon uair deug sa mhadainn air an ochdamh latha deug dhen t-Sultain chuir mèinn fodha tràlair Breatannach air an robh an t-ainm Lydian. Aig an àm bha an Lydian air patrol a-mach bho South Foreland, faisg air Dover. B' e dithis dhan chriutha a shàbhail aiste.

Bha Eòghainn MacNeacail a' sgrìobhadh dhachaigh gu phiuthar ann an Griomasaigh agus dragh air mu bhalach eile às a' bhaile aige a bha aig Festubert. Bha Eòghainn MacArtair à Ìle a-mach air biadh san leabahr-là aige agus cluinnidh sinn beagan mun bhiadh a bh' aig na saighdearan an t-seachdain sa bho Ghilleasbuig MacDhòmhnaill.

Agus ged a chaidh faisg air dà mhillean gu leth fireannach gu saor-thoileach dhan arm eadar an Lunastal 1914 agus deireadh 1915 cha robh fiùs an àireamh mhòr seo gu leòr airson leigeil leis an rìoghachd an cogadh a chumail a dol. Leis na h-àireamhan a bha tighinn air adhart gu saor thoileach a' sìor dhol sìos ann an naoi ceud is còig-deug, bha an iomairt airson Seirbheis Do-sheachanta a' sìor neartachadh. Show less