'S e an leabhar, Cuimhneachan, a' chiad cho-chruinneachadh de bhàrdachd Gàidhlig a' Chiad Chogaidh. Chaidh a chruinneachadh le Radio nan Gaidheal agus chaidh fhoillseachadh le Acair. 'S e guth nan daoine a tha ri chluinntinn ann - iadsan a bha aig ri aghaidh a' bhlàir, na leòintich, na bh' aig muir, agus na bh' aig an taigh a' feitheamh agus a' caoidh. Airson seo a chòmharrachadh, dh'iarr sinn air còignear taghadh a dhèanamh den bhàrdachd a chaidh a thrusadh mar phàirt den phròiseact shònraichte seo. An-diugh, tha Dòmhnall Ryno Moireasdan a' toirt thugainn taghadh de bhàrdachd a tha a' toirt dealbh dhuinn air cò ris a bha e coltach a bhith anns a' bhlàr, an dà chuid air muir agus air tìr; guthan nam fear a bha thall 's a chunnaic. Show less