Tha Anna Nicleòid a' còmhradh ri dithis eile mu na leabhraichean as fheàrr leotha agus a' faighinn a-mach barrachd mum beatha. An t-seachdain sa 's e dà thidsear a tha a' deànamh an taghaidh: Sarah Fhriseal agus Iona NicIlleDhuinn. Thogadh Sarah Fhriseal ann an Uibhist a Tuath agus cluinnear mun leughadh a bhiodh i a' deànamh an sin. An-diugh ge tà tha leabhraichean còcaireachd a cheart cho cudromach dhi ri uirsgeul Lochlannach neo 'Scandi-noir'.
'S ann à Tiriodh a tha Iona NicIlleDhuinn agus tha i an-diugh a' teagaisg ann an Uibhist a Deas. Tha an taghadh leabhraichean aice a' gabhail a-steach an sgaradh eadar daoine geala is dubha an Ameireaga agus leabhar òrain a th' air a dheagh chleachdadh!
A bharrachd air a bhith a' bruidhinn mu na leabhraichean as fheàrr leotha tha iad air moladh aon dhiubh sin dha chèile airson a leughadh agus gheibh sinn a-mach an do chòrd na leabhraichean riutha neo nach do chòrd! Show less