Tha Iain MacDiarmaid a' toirt sùil air na cuspairean mòra a tha toirt buaidh air beatha seann daoine. Anns a phrògram seo: teaghlach.

'S iad an fheadhain as sine a chunnaic na h-atharrachaidhean as mòtha ann an teaghlach sam bith. Bho bhith faicinn pàistean a' fàs gu bhith nan inbhich agus nam pàrantan iad fhèin - 's iomadh rud a chunnaic iad. Ma dh'fhaoidte gu bheil daoine a' cumail taic ri an cuid pheathraichean is bhràithrean, neo faighinn taic bhuapa, nan seann aois. Glè thric, 's e an teaghlach a th' ann airson daoine aosta a chuideachadh tro na dubhlain a thig an cois seann aois. Nam b' e is gu robh clann aig neach agus oghaichean an dèidh sin, dè an tlachd is an toileachas a tha seanmhairean is seanairean a' faighinn bhuapa? Agus nuair a thig seann aois, an e bàs cuspair a bhios teaghlach a' bruidhinn mu dheidhinn?

Tha iad sin am measg na nithean ris a bheil Iain MacDiarmaid a'coimhead sa phrògram mu dheireadh san t-sreath seo. Show less