Tha Dòmhnall Lach agus Calum a' Chal a' cur crìoch air a' chuairt aca mu Bharraigh air an t-seachdain seo agus iad a' tadhail air Bruarnais, Buaile nam Bodach agus a' crìochnachadh san Àird Mhòr. Tha Criosaidh Nic an t-Saoir ag innse dhaibh mar a thachair dhi fhèin nuair a bha i anns a' bhun-sgoil, mar a bhàsaich an tidsear òg aca leis a' chaitheamh agus mar a b' fheudar do chuid de na sgoilearan ùine a chur seachad anns an ospadal agus iad air an tinneas a ghlacadh. Tha uachdaran a' Bhàgh a Tuath a' coinneachadh riutha agus e a' tilleadh bhon a' chuairt thràth aige air feadh nan cladaichean agus a' toirt dhaibh eachdraidh na sgìre - cò eile ach an Canan Aonghas MacCuithein. Agus cluinnidh sinn mar a tha an seòladair air a dhol na ghàirnealair agus Dòmhnall 's Calum a' tadhail air Murchadh Dòmhnallach. Show less