Tha Alasdair air co-dhùnadh a dhèanamh agus e a' gluasad gu tuath gu coitheanal Eaglais Shaor Bhaile Dhùthaich agus Manachainn Rois. Bidh Alasdair dha phòsadh ris a' choitheanal agus 's ann an uairsin a gheibh e eòlas air obair na ministrealachd agus uallach coitheanal air a bhuileachadh air .
Tha gach latha anns an dreuchd ùr eadar-dhealaichte agus, mar a fhuair e fhèin a-mach, 's e obair làn-ùine a th'ann gu dearbha, agus fios ga chur chun a' mhinisteir ann an iomadach suidheachadh - cuid dhiubh sin doirbh ach cuid eile gu math èibhinn. Feumaidh e cuideachd a bhith cuimhneachadh air a theaghlach fhèin, agus sin a' chomhairle a fhuair e bho iomadach ministear a bh'ann roimhe - a bhith cinnteach gun cuireadh e seachad ùine còmhla ris a' chuid chloinne. Tha Alasdair a' tadhail air fèill nan uan ann an Inbhir Pheofharain còmhla ris a' chloinn agus iad a' faicinn na caoraich a bh'aca ann an Leòdhas air an reic. Air a' chiad Nollaig aige ann am Baile Dhùthaich chan e deise dhorcha is coilear geal a bh'air ach deise dhearg, bòtannan is feusag mhòr...... Show less