Tha am prògram seo agus prògram na seachdain sa chaidh a' leantainn Freya a tha air saor-làithean ann an Arcaibh agus a' faighinn a-mach mu na Lochlannaich.

Tha i air tadhal air taigh-tasgaidh agus ged nach robh i a' tuigsinn an toiseach carson a bhathas a' cur uiread de shuim ann an nithean Lochlannach, beag air bheag tha i a' tighinn thuige agus air a beò-ghlacadh le na h-ainmean agus na sgeulachdan Lochlannach.

Anns a' phrògram seo tha i a' dol gu Maes Howe cuide ri Manus agus a mhàthair agus a' cluinntinn bhuapa mu Up Helly Aa.

An dèidh gach earrainn dhen phrògram, faighnichidh am preseantair ceistean. Dh'fhaodar iad seo a chleachdadh mar bhunait airson còmhradh clas no leigeil leis a' chloinn bruidhinn mun deidhinn ann an càraidean no ann am buidhnean.

Tha na prògraman air an dealbh gus taic a thoirt do chlann a tha ag obair a dh'ionnsaigh an dàrna ìre den Churraicealam airson Sàr-mhathais.

Tha notaichean tidseir le gnìomhan obrach rim faighinn aig bbc.co.uk/foghlam. Show less