Tha am prògram seo agus prògram na seachdain sa chaidh ceangailte ri dè na buannachdan agus dè an call a bhiodh an cois tuath-gaoithe a chruthachadh anns an Eilean Sgitheanach. Tha an sealladh-tìre àlainn agus fois is sìth an eilein a' còrdadh ris a' chàraid Daibhidh agus Salaidh MacAlasdair agus cha chòrdadh e riutha idir nam biodh seo air a mhilleadh le tuath-gaoithe.

Anns a' phrògram seo tha iad ag ionnsachadh mu bhlàthachadh na cruinne agus a' bhuaidh a th' aig truailleadh air a' phlanaid. Tha iad cuideachd a' faighinn a-mach dè bheachd a th' aig daoine eile air a' phroiseact mar an seanair a tha ag iarraigh orra cùram a ghabhail agus an co-ogha, Kevin, nach eil idir a' fuireach san sgìre. Ach an cuidich seo iad ann a bhith a' tighinn gu co-dhùnadh?

An dèidh gach earrainn dhen phrògram, faighnichidh am preseantair ceistean. Dh'fhaodar iad seo a chleachdadh mar bhunait airson còmhradh clas no leigeil leis a' chloinn bruidhinn mun deidhinn ann an càraidean no ann am buidhnean.

Tha na prògraman air an dealbh gus taic a thoirt do chlann a tha ag obair a dh'ionnsaigh an dàrna 's an treas ìre den Churraicealam airson Sàr-mhathais.

Tha notaichean tidseir le gnìomhan obrach rim faighinn aig bbc.co.uk/foghlam. Show less