A dh’aindeoin bonn òr aig Deirdre, cha robh dad “glam” mun an rùm a bh’ aice airson a cuid aodach atharrachadh! “Innis Dhòmhsa Cà'il thu Cadal – ‘s doch gur e sin an t-òran bha còir aig Gillebrìde MacIlleMhaoil a sheinn an àite a bhith a’ smaointinn air an Rìbhinn Lurach ann am farpais an t-seann nòis! Agus chan e na britheamhan a bha air aire Judith Peacock, ach an gille a bha ag èisteachd gu dlùth air taobh thall a' chuain air an eadar-lìon.
Cha robh an gaol aig Kirsteen NicDhòmhnaill a’ còrdadh ris na britheamhan, ach cha robh dragh aig a h-athair - fhuair i an duais agus bha esan a' dol a dhannsa! Pàrtaidhean agus Mòdan, eadar Dùn Omhain agus Cille Pheadair – cha robh an còrr a dhìth air Sìneag agus a h-athair nuair a ghlèidh i an duais. Agus thug rathad ùr Chàrlabhaigh an seinneadair Tormod MacArtair air slighe eile nuair a fhuair e Bonn Òir an t-Seann Nòis. Show less