Tha e duilich a chreidsinn gu bheil leth-cheud bliadhna ann bho choisinn Anna Lathurna NicIllìosa a bonn òr aig Mòd an Òbain aig aois 17 - ach cha b'e sin ach toiseach na sgeòil. Bhon uair sin tha a guth seinn air a toirt air feadh an t-saoghail agus 's iomadh cothrom a fhuair i an luib seo. Bha i na rionnag telebhisean air feadh Bhreatainn, le sreath phrògraman aice fhèin, gun ghuth air an liuthad prògram eile anns an do nochd i thar nam bliadhnachan.
A bharrachd air a bhith na sar-sheinneadair, am measg gu leòr eile, tha i na sgrìobhaiche agus na h-eòlaiche foghlaim, agus anns na beagan bhliadhnachan a chaidh seachd tha an sàr leabhar Songs Of Gaelic Scotland air barrachd cliù a chosnadh dhi.
Anns a' phrògram sònraichte seo, tha Anna, ann an cuideachd Iain MhicIllemhìcheil, a' toirt sùil air ais air a beatha bho thog i a bonn òr agus a' meòrachadh air na tha gu bhith roimhpe sna bliadhnachan ri teachd. Show less