Tha inbhe maorach air èirigh thairis air na ginealaich bho bhith na bhiadh a bhiodh aig an duine bochd gu biadh an duin' uasail. 'S e an taghadh as daoire a gheibh thu air clàr-bìdh na làithean-s'. Tha Murchadh MacAmhlaigh às an Òb anns na Hearadh air a bhith a' dàibheadh airson iomadach bliadhna agus anns a' phrògram seo bho 2012 tha Fiona NicIllinnein a' faighinn cothrom a dhol a-mach còmhla ris a dh'iarraidh dhà neo trì chreachain. Bidh Murchadh dhan reic ri na taighean-òsta agus taighean-bìdh anns na Hearadh as t-samhradh, agus abair gu bheil fèill orra!

Tha e a' toirt poc sìos leis a bhios e a' lìonadh le creachain, le put' gu h-àrd, ach am faic am balach a th'anns a' bhàta còmhla ris far a bheil e. Bidh e dol sìos dà uair nuair a bhitheas e a-muigh, a' cleachdadh aon bhotal de dh'aidhear gach turas.

Cluinnidh sinn mun deise a dh'fheumas a bhith air agus an uidheamachd a th'aige airson dàibheadh, beagan mu dheidhinn an seors' obair a th'air a bhith aige thar nam bliadhnaichean agus cuideachd facal air na soithichean a th' air grunnd na mara a tha e air fhaicinn. Show less