Ann an 2002 thill Fionnlagh Macleòid gu sgìre a bhreith agus àraich, sgìre mhòr Nis ann an ceann a tuath Leòdhais, airson sreath phrògraman a dhèanamh. Thadhail e air na bailtean eadar Rubha Robhanais agus Dail bho Dheas.

An seo tha Fionnlagh a' faicinn na tha dol aig clas giotar ann an Taigh Dhonnchaidh agus a' faighinn a-mach mu obair Comann Eachdraidh Nis bho Mhàiri NicChoinnich. Tha e cuideachd a' coinneachadh ri Tina Cupid a bha air ùr thilleadh a Nis as deidh a bhith fuireach thall thairis.

Cluinnidh sin grunn phìosan bàrdachd agus òrain - Colann gun Cheann a fhuaireadh bho Thormod Ruadh à Tàbost, O Leòdhais mo Ghràidh a rinn Calum MacIlleathainn agus Òran a' Bhàthaidh Mhòir. Gheibh sinn cuideachd dealbh bhuaidhe air Murchadh Alasdair Mhòir, bàrd eile à Nis. Show less