Ann an 2009 bha Fionnlagh Macleòid a' comharrachadh gu robh 200 bliadhna bho rugadh Charles Darwin - eòlaiche air nàdair, clachan agus air bith-eòlas, a thug dhuinn a bheachd-smuain air mean-fhàs, evolution, san leabhar iomraiteach aige, On The Origin of Species, a thug e a-mach ann an 1859. Dh'atharraich Darwin mar a tha sinn a' tuigsinn an t-saoghail ann an dòigh a bha cha mhòr gu tur ùr na là. Anns an t-sreath seo tha Fionnlagh, a tha air beatha Darwin a rannsachadh, a' toirt thugainn dealbh mionaideach air an duine 's air obair.

Tha Fionnalgh a seo a' coiseachd a' Sandwalk aig dachaigh Darwin, Down House; ceum a biodh e a' gabhail tric. Tha an saidhc-eòlaiche Dòmhnall Macleoid còmhla ris agus iad a' beachdachadh air cho diùid, socharach 's a bha e agus mar nach robh e ag iarraidh deasbad ach tro litrichean neo airson troimhe-chèile adhbhrachadh.

Tha e cuideachd a' bruidhinn ri Peter Arnott, a bha ag obair aig a John Murray Archive aig Leabharlann Nàiseanta na h-Alba, mun a' mhì-chinnt a bh' air Darwin mu On the Origin of Species fhoillseachadh.

Cluinnidh sinn cuideachd bàrdachd a rinn iar-ogha Charles Darwin, Ruth Patel, I made his Coffin Just the way he wanted it, all Rough. Show less