Ann an 2009 bha Fionnlagh Macleòid a' comharrachadh gu robh 200 bliadhna bho rugadh Charles Darwin - eòlaiche air nàdair, clachan agus air bith-eòlas, a thug dhuinn a bheachd-smuain air mean-fhàs, evolution, san leabhar iomraiteach aige, On The Origin of Species, a thug e a-mach ann an 1859. Dh'atharraich Darwin mar a tha sinn a' tuigsinn an t-saoghail ann an dòigh a bha cha mhòr gu tur ùr na là. Anns an t-sreath seo tha Fionnlagh, a tha air beatha Darwin a rannsachadh, a' toirt thugainn dealbh mionaideach air an duine 's air obair.
A seo tha Fionnlagh a' coimeas Darwin ri luchd-saidheans eile còmhla ris an saidhc-eòlaiche Dòmhnall Macleòid agus iad anns an dearbh rùm ann an Christ's College an Oilthigh Chambridge far a robh Darwin a' fuireach nuair a bha e na oileanach a sin.
San Talla Mhòr aig Christ's College tha iad a-mach air William Paley a sgrìobh Natural Theology agus a thug cuideachd buaidh air Darwin. The Dòmhnall a' togail na Greugaich, air a bheil e fhèin air rannsachadh a dhèanamh, agus a' bruidhinn air comas smaoineachaidh agus mar a b' urrainn dha Darwin ùine a chur seachad a' dèanamh sin.
Anns a Sedgwick Museum of Earth Sciences agus an Cambridge Museum of Zoology tha Fionnlagh dhar toirt timcheall taisbeanaidhean air Darwin. Show less