Ann an 2009 bha Fionnlagh Macleòid a' comharrachadh gu robh 200 bliadhna bho rugadh Charles Darwin - eòlaiche air nàdair, clachan agus air bith-eòlas, a thug dhuinn a bheachd-smuain air mean-fhàs, evolution, san leabhar iomraiteach aige, On The Origin of Species, a thug e a-mach ann an 1859. Dh'atharraich Darwin mar a tha sinn a' tuigsinn an t-saoghail ann an dòigh a bha cha mhòr gu tur ùr na là. Anns an t-sreath seo tha Fionnlagh, a tha air beatha Darwin a rannsachadh, a' toirt thugainn dealbh mionaideach air an duine 's air obair.

Sa chiad phrògram tha Fionnlagh a' coimhead ri òige, gu h-àraid an ùine a chuir e seachad an Dùn Èideann 's tha e a' tadhal air Newhaven far na chuir Darwin mòran ùine seachad a' rannsacahdh nan cladaichean a sin. Cluinnidh sinn bhuaithe mun a' bhuaidh a bh' aig an luibh-eolaiche 's an t-Albannach Raibeart Grannd air.

Tha Fionnlagh cuideachd a' bruidhinn ri Murchadh Macleòid, fear togail dhealbhan, mun ùidh mhòr a bh' aig Darwin ann an aghaidh dhaoine agus cho cudromach 's a bha deilbh san obair sin. Show less