Cuairt Alasdair MhicIlleMhìcheil a thrus Carmina Gadelica, còmhla ri Dòmhnall Uilleam Stiùbhart.

An dèidh dà bhliadna anns a' Chòirn thug obair Alasdair, mar ghàidsear, e a dh'Uibhist a Tuath, agus 's ann an sin a tha Dòmhnall Uilleam ga leantainn sa phrògram seo.

Am measg na chruinnich Alasdair air a chuairt tha Ora Turais a fhuair e bho Fhionnghalla, Nighean Chaluim, às a' Bhaile Shear, cuibhrionn den Bhròn Bìnn, Eòlas a' Chronachaidh, bho Iseabail Siosalach agus sgeulachd a tha fhathast ag adhbharachadh connspaid am measg nan sgoilearan - sgeulachd Deirdiri a fhuair Alasdair bho Iain MacNèill, Iain Donn, coitear am Buaile nam Bodach ann am Barraigh. Show less